- Vi er enormt revansjesugne!

Stryn sin kaptein Vegard Sæten Hopland. Foto: Stig Høynes, haugenfotball.no.

Vegard Sæten Hopland og resten av strynelaget trippar etter å spele kamp igjen, etter den svært dårlege opplevelsen på bortebane mot Fjøra.

Fredag kl 19 får dei sjansen, då kjem Bremanger på besøk til Stryn stadion.

- Som kaptein føler eg sjølvsagt ekstra ansvar, og det var tungt etter Fjøra-kampen. Vi er enormt revansjesugne, og eg håpar virkelig det viser igjen mot Bremanger. Vi hadde ei god trening torsdag, og heile gjengen er gira på å snu skuta. Vi står samla om dette, både trenarar og spelarar. Mot Bremanger er kun 3 poeng godt nok!, seier ein innbitt kaptein Hopland.

Mot Bremanger er heile 7 (!) spelarar tilbake etter skade, sjukdom og diverse. Følgande spelarar gjekk glipp av Fjøra-kampen, men er meldt klare til dyst mot Bremanger: Emil Allesøe, Johannes Fredheim, Jørgen Trøsken, Jan Marius K. Brekke, Steinar Hauge, Hubert Wdowiak og Jesper Jepsen.

Kampstart fredag kl 19.

Møt gjerne opp og støtt laget! Fotball er best LIVE!