Bortetap for Stryn og Jon-Terje i Kretsligaen

- Det vart ein tung kamp mot Førde 2 dessverre. Vi byrjar kampen godt, og har god kontroll. Skaper litt offensivt. Mohammad har ei farleg  heading, Tomas har eit tverliggarskot, og vi har eit par andre sjansar. Så går vi opp til 1-0 etter 28 minutt, og eg tenker og trur dette skal roe oss ned litt. Fram til då har det vore bra energi i laget. Førde utliknar til 1-1, og etter dette har vi vår tyngste periode. Her er vi nr 2 på det meste. Førde står høgt, mann vs mann, det klarar vi ikkje handtere. Blir nokre ballmiss og farlege situasjonar av dette. Dei vinn duellane og brukar fysikken sin som vi ikkje klarar matche. Vi blir for få som bidreg med prat, duellkraft og offervilje. Her har vi den største utfordringa vår, korleis ta tak og løfte oss i dei dårlege periodane. I andre omgang tek vi meir tak i ballen igjen, og spelar Førde 2 lave. Vi skapar ikkje nok i forhold til kor mykje vi har ball. Der er Førde 2 dødeleg effektive og scorar på det dei har. På 3-2 er vi nær utlikning, og kampen står og vippar. Den vippar i Førde sin favør dessverre. Vi krummar nakken, trenar godt komande veke og gjer oss klare for kamp igjen på laurdag, er Jon Terje si analyse etter kampen.

Neste laurdag er det altså ny heimekamp i Kretsligaen når serieleiar Fjøra kjempå besøk.